ओखलढुंगा, ३ असार । "राम्रो ओखलढुङ्गा, हाम्रो ओखलढुङ्गा, निस्वार्थ सेवा हाम्रो भावना" भन्ने नाराका साथ ओखलढुंगा युथ फाउण्डेशनले सिद्धिचरण नगरपालिका ३ नारायणस्थानकी असहाय एक वद्धालाई सहयोग गरेको छ । सामाजिक क्षेत्रमा काम गर्ने उद्देश्य बोकेर स्थापना भएको फाउण्डेशनले स्थानीय कालीमाया भुजेललाई खाद्यान्न लत्ताकपडासहितको राहत सहयोग गरेको हो ।
ती बृद्धालाई फाउण्डेशनले १ थान त्रिपाल, १ थान म्याटिस, १ थान तन्ना, २ थान ब्ल्याङ्केट, २ बोरा चामल, १० पोका तेल, १ काटुन चाउचाउ, २ बट्टा हर्लिक्स, नुन, चिनि, चिया, साबुन , सेनिटाइजर, माक्सलगायत वितरण गरिएको छ ।
साथै उनको जीर्ण पानी चुहिने कटेजमा पासा पुच: गुथी युकेबाट सौजन्यस्वरुप प्राप्त पाल समेत लगाउने काम भएको छ । सोही अवसरमा सिद्धिचरण नगरपालिका १२ का युवा दीपक श्रेष्ठ र उनकी जीवन संगिनी संगीता श्रेष्ठ व्यक्तिगत १ बोरा चामल, ५ केजी दाल र केही लगाउने लुगा समेत सहयोग गरेका छन् ।
-1730564212.jpg)
