ओखलढुंगा । ओखलढुंगाको लिखु गाउँपालिकाले २०८१ सालको आधारभूत शिक्षा उत्तीर्ण परीक्षा (कक्षा ८) को परीक्षा केन्द्र तोकेको छ । गाउँपालिकाले आज एक सूचना जारी गर्दै चैत्र ३ गतेदेखि सञ्चालन हुने परीक्षाका लागि परीक्षा केन्द्र तोकेको जानकारी दिएको हो ।
गाउँपालिकाले पालिकास्तरीय कक्षा ८ को वार्षिक परीक्षा सञ्चालन तथा व्यवस्थापन समितिको निर्णयअनुसार परीक्षा केन्द्र तोकेको जनाएको छ ।
गाउँपालिकाले तोकेको परीक्षा केन्द्र अनुसार श्री ज्ञानज्योति माध्यमिक विद्यालयमा श्री च्यूरीडाँडा माध्यमिक विद्यालय र श्री भिमसेनस्थान माध्यमिक विद्यालयका विद्यार्थीहरुले परीक्षा दिनेछन् ।
त्यस्तै, श्री भिमसेनस्थान माध्यमिक विद्यालयमा श्री ज्ञानज्योति माध्यमिक विद्यालय र श्री यसम माध्यमिक विद्यालयका विद्यार्थीहरुले परीक्षा दिनेछन् ।
यसैगरी, श्री यसम माध्यमिक विद्यालयमा श्री बडडाँडा आधारभूत विद्यालय र श्री ग्रामोदय युगकवि सिद्विचरण माध्यमिक विद्यालयका विद्यार्थीहरुले परीक्षा दिनेछन् ।
श्री ग्रामोदय युगकवि सिद्विचरण माध्यमिक विद्यालयमा श्री ग्रामोन्नती आधारभूत विद्यालय, श्री ग्रामज्योती आधारभूत विद्यालय, श्री जाल्पा माध्यमिक विद्यालय र श्री जन जीवन माध्यमिक विद्यालयका विद्यार्थीहरुले परीक्षा दिनेछन् ।
श्री जन जीवन माध्यमिक विद्यालयमा श्री लेती माध्यमिक विद्यालय, श्री पोखरी आधारभूत विद्यालय र श्री लाम्राङ आधारभूत विद्यालयका विद्यार्थीहरुले परीक्षा दिनेछन् ।
